राष्ट्रिय नेपाली साहित्य अवार्ड २०८३ का लागि आवेदन खुला
नेपालबिहानी
५ दिन अगाडि
२१ विधामा उत्कृष्ट सिर्जनालाई सम्मान गरिने, देश तथा विदेशमा रहेका साहित्यकारलाई आवेदन दिन आयोजकको आग्रह
काठमाडौं । नेपाली भाषा, साहित्य तथा सिर्जनशील लेखनको प्रवर्द्धन गर्दै उत्कृष्ट साहित्यिक सिर्जनालाई सम्मान गर्ने उद्देश्यले आयोजना हुन लागेको राष्ट्रिय नेपाली साहित्य अवार्ड २०८३ का लागि आवेदन खुला गरिएको छ।
आयोजक संस्था रेस्पोन्सिभ मिडिया प्रालिले गुरु पूर्णिमाको अवसर पारेर अवार्डका लागि आवेदन फारम खुला गरिएको जनाएको हो।
आयोजक समितिका अध्यक्ष मनोज थापाले नेपालसहित विदेशमा रहेका नेपाली साहित्यकार, लेखक, कवि, समालोचक, अनुवादक तथा साहित्यिक क्षेत्रमा योगदान पुर्याउँदै आएका व्यक्तित्वलाई अवार्डका लागि आवेदन दिन आग्रह गरेका छन्।
२१ विधामा आवेदन दिन सकिने
अवार्डका लागि विभिन्न २१ विधा निर्धारण गरिएको आयोजकले जनाएको छ। जसमा—
- सर्वोत्कृष्ट कविता
- सर्वोत्कृष्ट महाकाव्य
- सर्वोत्कृष्ट खण्डकाव्य
- सर्वोत्कृष्ट गीत
- सर्वोत्कृष्ट गजल
- सर्वोत्कृष्ट मुक्तक
- सर्वोत्कृष्ट हाइकु
- सर्वोत्कृष्ट उपन्यास
- सर्वोत्कृष्ट कथा
- सर्वोत्कृष्ट लघुकथा
- सर्वोत्कृष्ट नाटक
- सर्वोत्कृष्ट निबन्ध
- सर्वोत्कृष्ट नियात्रा
- सर्वोत्कृष्ट संस्मरण
- सर्वोत्कृष्ट आत्मकथा/जीवनी
- उत्कृष्ट बालसाहित्य
- सर्वोत्कृष्ट अनुवाद
- सर्वोत्कृष्ट अनुसन्धान
- सर्वोत्कृष्ट मातृभाषा
- सर्वोत्कृष्ट डायस्पोरा
- तथा अन्य निर्धारित साहित्यिक विधा
आयोजकका अनुसार इच्छुक साहित्यकार तथा सिर्जनाकर्मीले तोकिएको आवेदन फारम भरी आवश्यक विवरण तथा कागजातसहित आवेदन पेश गर्न सक्नेछन्।
नेपाली साहित्यलाई अन्तर्राष्ट्रिय स्तरमा स्थापित गर्ने लक्ष्य
अवार्डले नेपाली भाषा तथा साहित्यको सिर्जनात्मक क्षेत्रलाई प्रोत्साहन गर्नुका साथै उत्कृष्ट साहित्यिक प्रतिभालाई राष्ट्रिय तथा अन्तर्राष्ट्रियस्तरमा थप स्थापित गर्न सहयोग पुग्ने अध्यक्ष थापाले विश्वास व्यक्त गरेका छन्।
नेपालभित्र मात्र नभई विदेशमा रहेका नेपाली साहित्यकार तथा सिर्जनाकर्मीलाई समेत समेट्ने गरी अवार्ड आयोजना गर्न लागिएको आयोजकले जनाएको छ।
वसन्त पञ्चमीमा अन्तिम छनोट
आयोजक संस्थाका अनुसार राष्ट्रिय नेपाली साहित्य अवार्ड २०८३ को अन्तिम कार्यक्रम तथा अवार्ड वितरण वसन्त पञ्चमीको अवसरमा गरिनेछ।
अवार्डसम्बन्धी थप जानकारी तथा आवेदन प्रक्रियाका लागि आयोजकले ९८५११९४२३९ मा सम्पर्क गर्न आग्रह गरेको छ।
प्रतिक्रिया
आफ्नो प्रतिक्रिया दिनुहोस्